肉檔威人氣下滑代言送閃卡引罷買潮 品牌搵阿正拍新宣傳片「救火」

早前備受不少中年女士歡迎的「肉類分割員」劉宋威（阿威），食住個勢開埋官方社交網及YouTube頻道，做KOL搵真銀。不過他因先後被傳曾做層壓式推銷及疑曾行古惑等，人氣不再，但早前仍有品牌找他拍廣告，阿威罕有除口罩拍攝，不過真面目似乎嚇親網民及威威豬（阿威Fans暱稱），人氣下滑的他近期亦變得低調，即使將威威豬「紋上身」，似乎都阻止不了「脫粉潮」，個紋身更被踢爆疑抄襲「LuLu豬」。

 

阿威早幾個月離奇爆紅，不過近月已經幾乎冇晒聲氣。 ​

阿威曾被爆疑曾行古惑。 ​

阿威疑曾做層壓式推銷。

 

早幾個月阿威生日，仲有商場為他搞生日活動，好多Fans到場祝賀阿威。

 

阿威除口罩拍廣告，外貌被批評。

 

限量閃卡冇人要
阿威早前除口罩拍密實袋廣告，引起討論，近日有網民發現該品牌出售的密實袋，原來仲送出限量100張燙金簽名的「威威閃卡」，不過似乎冇人想要。除了有網民將「威威閃卡」以15蚊於交易平台上賤賣，更有不少幫襯開該品牌的網民揚言因收到「威威閃卡」而要罷買，引發公關災難。有網民到品牌官方社交網派嬲，又留言稱：「見到張卡有PTSD」、「想問點退返張卡」、「唔再幫襯」、「還我Jeffrey（魏浚笙）」等。

 

呢張閃卡有冇人想要？（網上圖片）

有網民以15蚊於交易平台賤賣阿威閃卡。（網上圖片） ​

 

網民唔多Buy。

網民話要罷買。

得100張都冇人想要，陰公……

睇吓呢句留言Like數，就知好多人想退返張閃卡。

 

品牌跪低換人拍宣傳片
該品牌連日被網民洗版式批評，日前終於「跪低」，於社交網上載由黃正宜（阿正）所拍攝的宣傳片，疑似是換人「救火」，更表示：「我哋都聽到大家嘅聲音，就係男神只得一個，佢只會係密實哥（Jeffrey）！！！」似乎已決定飛起阿威，強調男神Jeffrey才是代言人。

 

該品牌強調男神Jeffrey先係代言人。

已經換咗阿正拍宣傳片。

立即下載 | 全新《星島頭條》APP : https://bit.ly/3yLrgYZ