陳靜將赴美進修順道雪卵 強調唔會為生仔而結婚

陳靜（Dada）以愛心大使身份到銅鑼灣出席中秋活動記者會，以露腰短裙打扮現身的她笑指自5月社交距離放寬後經常與家人及朋友聚會，搞到肥了約2公斤，故活動前只吃了蛋白來保持身形。

即將到美國進修的Dada表示將於中秋後出發，今次將會到洛杉磯及紐約等地方3個月進修語言、戲劇及畫畫：「呢個係我夢想，趁有時間去增值自己。（離開咁耐怕唔怕唔慣？）係，第一次，不過唔會唔慣，因為有蔚雨芯（Rainky）一齊去遊學。」Dada大讚Rainky是一個愛笑又有正能量的人，故覺得跟對方一起可以有好多歡樂，問到離港3個月，會否失去一些工作，Dada說：「唔驚，始終有啲回憶同經歷係錢買唔到，錢可以再搵，呢個係難得嘅時機，亦都好難得有個伴可以同你一齊話飛就飛。」Dada又透露此行會順道雪卵：「我可能喺外國雪一次，返到香港又雪一次，（聽講好痛！）我唔怕痛，係驚肥。我短時間內又冇規劃，又冇另一半，所以覺得佢遊學嗰陣順便做埋，（搵到另一半就唔使雪！）講咁易！不過我都唔會為生仔而結婚，呢樣唔係我嘅諗法。」

 

陳靜以愛心大使身份到銅鑼灣出席中秋活動記者會。

陳靜透露中秋節後會到美國多地進修。

陳靜（中）此行會順道雪卵。

陳靜表示可能赴美雪卵後，回港會再雪多次卵。

陳靜表示唔怕痛。

陳靜話唔會為生仔而結婚。

 

立即下載｜全新《星島頭條》APP：https://bit.ly/3yLrgYZ