MIRROR演唱會丨Ian軒仔請心理專家及借出場地助舞蹈員走出意外陰霾

2022-07-30 20:00

MIRROR的紅館演唱會，前晚（28日）第4場發生大屏幕半空墮下意外，擊傷兩位舞蹈員，其中COLLAR成員蘇芷晴（So Ching）的男朋友李啟言（阿Mo）傷勢嚴重，今日消息指他接受完手術後情況危殆，而維生指數穩定。

誠心祝福阿Mo（左）早日康復。

意外發生時，大批舞蹈員在台上演出。

軒仔在社交網為大家打氣

今次意外可算是紅館演唱會當中最嚴重一次，事件對演唱會所有表演者、工作人員及在場觀眾造成重大打擊，有消息指MIRROR成員陳卓賢（Ian）及現屆香港演藝人協會副會長張敬軒，一同聘請專家顧問團隊，為今次演出的舞蹈員提供心理輔導及支援，而軒仔更提供場地，希望可以協助一眾舞蹈員走出意外陰霾。軒仔早年也曾患過抑鬱症，因此他必定明白精神及情緒健康的重要性，而意外發生後，他也在社交網發文為傷者祈禱和集氣，亦叮囑大家要照顧好自己的情緒，有需要時要找專人提供協助。

軒仔早前在紅館開騷，找來Ian（左）做嘉賓。

意外發生後，軒仔在IG留言為大家打氣外，亦叫大家留意精神健康。

Ian其實心情也大受影響，但他仍出手幫助舞蹈員度過難關。

張敬軒今日回應傳媒表示：「呢次嘅事係關乎成個表演行業內嘅事，今次參與演出嘅舞蹈員入面，有好多舞蹈員都係各位MIRROR成員同我嘅兄弟姊妹，我哋喺好多個演出入邊都合作無間，所以互相關心係應該無分彼此。件事係大家一齊做，花姐、金生一路都好關心大家，而Ian同其他MIRROR成員喺處理自己情緒嘅同時都會將傷者同埋其他舞者嘅情況擺喺首位，我哋大家希望可以盡快安撫同平復到各位Dancers嘅情緒，希望廣大嘅樂迷都一樣，照顧好自己嘅情緒之餘，多為傷者同舞蹈員打氣，俾多啲支持佢哋。」