MIRROR演唱會丨造星方方台上安撫受傷阿峯舞蹈業界狂轟制作單位眼中只有錢

2022-07-29 22:00

MIRROR昨晚的演唱會發生嚴重舞台意外，一部懸掛半空的大型屏幕突然下墮擊傷兩名舞蹈員，受重傷的27歲舞蹈員李啟言（阿Mo），因腦出血及頸椎第4節爆裂骨折，留醫伊利沙伯醫院深切治療部（ICU）。消息指，阿Mo通宵接受手術後，中午前再接受長約8小時的大手術。

發生事故後，無論幕前定幕後都出PO集氣祝福傷者。不過唔少Dancer祝福之餘都忍唔住爆Seed怒轟制作單位，如《造星IV》的Win Win男友，同是Dancer的Kano於社交平台發文指有人貪心至極，魯莽之餘為效益而無敬業之心，仲話以前都發生過意外，但因為唔係發生喺MIRROR演唱會就冇人理，「點解去到危害性命關頭先識得緊張，一早就唔應該跳，但係跳就係為左負責任，唔好話Dancer，睇嘅觀眾再見到紅館都會有陰影，你搞起藝術，你都可以搞砸藝術。」更以爆粗作結，「X晒你地咁多個。」

Win Win男友爆Seed。

Win Win及男友Kano。

Kano(左一)跟阿Mo(右一)都幫AL跳舞。

曾參加過《造星II》的舞蹈員Jerry及繼文亦有出Po，除祝福兩位傷者外，亦忍唔住大爆舞蹈員被欺壓的辛酸，更列出請舞蹈員工作的有關要求。「大部分舞蹈員都是年輕的，不敢發言不敢要求，怕得罪人，做得耐嘅有地位又不敢亂說話，從來無人企出黎正視問題。」特別hashtag #舞蹈員是人#不是機械人#只求合理對待#請大家繼續關注賠償問題#同路者應站出來，最後祝願「硬淨的我們平安」

另外繼文就以黑底白字出PO，「香港速食文化眼裡只有錢」，又出了一個訊息圖，分別有三句說話，「無走到，但好嚴重，無生命危險」估計內容關於受傷舞蹈員阿Mo。