王嘉慧收「姦斬令」後如常拍外景坦言唔擔心有同事保護

2022-07-29 21:45

有「東張女神」之稱的港姐王嘉慧（Cathy），今晚到文化中心為《仁濟．童話交響慈善音樂會：美女與野獸》擔任大會司儀。首次獨自做司儀的她，表示有少少緊張，前一晚通宵練習做準備，所以樣子有點攰。

Cathy早前因採訪一宗見工陷阱，疑似得罪某「集團」而收到「姦斬令」，現時在《東張西望》仍以拍外景為主的她，就表示已交給公司處理：「都放心嘅，同埋佢哋平時拍嘢都好保護我，所以相對上冇咁擔心。」對於今日出席公開場合，否會擔心安全？她說：「唔擔心，今日有咁多人喺度。（係咪打算請保鑣？）冇，《東張西望》啲同事身手好好，有佢哋保護已經好足夠。」Cathy表示已跟家人溝通過：「都有同佢哋講返件事，叫佢哋唔好擔心，所以暫時都OK。」自事件曝光後，她已沒再收到騷擾電話，但收到很多身邊人的慰問及鼓勵訊息。