独家丨钱嘉乐单手插袋行街好有型 唔使北上香港大把嘢捞

香港有好多艺人返内地发展，因为内地市场大，娱乐事业好多元化，你谂到嘅都有。不过钱嘉乐唔使返内地都好多路数，上新闻搜寻网打佢个名，呢半年佢已经又做主持又做电影动作导演，样样都系主力几忙都有。日前晚上，见到钱嘉乐现身铜锣湾利园附近睇衫，见佢单手插袋喺铺头行咗一个圈，使唔使咁型先?采访:娱乐组

钱嘉乐工作范围都几广，做过港姐司仪，之前又做过《讲你都唔信》主持，加上进行中嘅《开心无敌奖门人》，及最新为本周日举行的《金像奬》任颁奖嘉宾，风格可严肃可搞笑，难怪咁抢手。家阵佢忙于为刘德华监制，林家栋及彭于晏主演嘅悬疑犯罪动作新片《潜行》做动作导演，因为赶住下年上映，所以拍摄得如火如荼。

之前主持《讲你都唔信》，曾志伟做嘉宾。

新一辑《开心无敌奖门人》。

新鲜热辣为《金像奖》任颁奖嘉宾。

56岁完全唔似阿叔
当日夜晚7点，着住黑衫黑裤加黑色口罩的钱嘉乐现身铜锣湾利园附近，见佢直入一间运动用品铺，一路行一路望，睇啱就揭吓啲衫，又摸吓啲波鞋，见佢揭嘅衫都系黑色，波鞋就白色，睇得出佢嘅衣著品味都几单一，白同黑永远都咁襟兴。

拣嘅都系黑色衫。

波鞋就锺情白色。

聚精会神睇波鞋。

随意行完一个圈就离开，但钱嘉乐好得意，佢唔会放过任何吸收资讯嘅机会，即系点?路经门口有个电视播紧该店嘅品牌广告，佢边行住嚟望，留意返佢仲要系单手插袋加慢步速，有型喎。上维基望吓，原来佢今年已经50有6，唔似，真系唔似。

广告都唔放过。

你睇佢单手插袋几有型。

完全唔似56岁。

行完街就揸车走。

钱嘉乐一家四口。

星岛新闻集团庆回归25周年专题网站，请即浏览

立即下载 | 全新《星岛头条》APP :  https://bit.ly/3yLrgYZ