Anson Lo認唱歌未夠班有待改進貪心多方面發展要取得平衡

2022-06-15 14:30

組合MIRROR成員盧瀚霆（Anson Lo），近日除了忙於拍攝即將煞科的ViuTV新劇《百萬同居計劃》外，又要宣傳近日推出的新歌《King Kong》，日前他便到商台接受鄭裕玲（Do姐）主持的《口水多過浪花》訪問，忙個不停。

MIRROR即將舉行首個紅館演唱會，掀起全城搶飛，但亦引來不少鏡粉（fans暱稱）對售票安排的不滿，Anson Lo直言︰「我都唔係好知有幾多飛，我媽咪都成日問我，因為好多親戚追我媽咪，但係我都承諾唔到大家，因為我都唔知可以幫大家買到幾多。」Anson Lo謂過往各成員只得10張以內的門票，還要是開騷前幾天才確實知道門票數目，當日已包括父母的票在內，他坦言：「分配唔到，要揀邊個冇咁易嬲。」

MIRROR下月舉行的首次紅館演唱會，掀起全城撲飛潮。

Anson Lo指媽咪不停被朋友追問演唱會門票。

日前百忙中抽空接受Do姐訪問宣傳新歌。

MIRROR獲得鏡粉支持，Anson Lo指他們當然會擔心自己做得不好，辜負了大家的厚愛︰「我淨係講我自己，我自己會好驚我唱歌唔夠好，一定嘅係我自己唱歌方面一定遜色過其他歌手，一定係有啲好不足嘅地方，要用時間去改善，但係呢個去改善嘅時間同我本身嘅工作係有衝突，因為如果你要有時間去做自己能力上嘅訓練，咁你就少咗時間去做其他工作，但係其實能力嘅訓練係好緊要，但係其他工作唔代表唔緊要。」

的確MIRROR眾成員皆要兼顧拍戲、拍廣告及出活動，Anson Lo續說︰「你冇得全神貫注去做歌手呢個職業，變相你就要拍戲拍劇，仲要接廣告，呢個係好貪心嘅多元身份，咁你就要用最大嘅努力平衡多個身份，最驚平衡唔到，因為是但一個範疇做唔到嘅時候，就會令到自己一部份嘅樂迷失望。」