衛蘭坦認以前減肥有壓力 自覺現年40歲最fit最靚

衛蘭（Janice）日前接受TVB娛樂新聞台節目《StarTalk》；主播許文軒（Edmond）的專訪，大談相隔4年再舉行演唱會感受。衛蘭直言今次開騷有點緊張：「可能最近少咗演出機會，一嚟就紅館，所以有啲緊張。今次自己參與度比較高，畀咗好多意見，今次音樂性比較重，大家未必見到我跳舞，我唔係跳舞歌手，唔想無啦啦做一Part跳舞。」

眼見衛蘭清減不少，她說：「做運動已經變咗自己一個習慣，疫情冇得做Gym，自己都會喺屋企做，會行樓梯機40分鐘，舉啞鈴1個鐘頭，大嗌出嚟，係好肉酸，而且好辛苦，不過好有用。食量方面要減少，依家到咗40歲，但我覺得今年反而最Fit，依家先係最靚！以前減肥有壓力，係為人而減，依家為自己同健康而減。」

 

Janice相隔4年再在紅館開騷。

 

近日經常健身，除了減肥也令自己狀態更好。

 

談到不停增值自己；繼續學唱歌，Janice說：「覺得自己未夠好，發現唱廣東歌唱到第7、8首時聲帶開始攰，廣東話咬字有影響，覺得好難，所以要搵老師調教自己嘅咬字，而且令到條氣順，希望可以練到唱20幾首歌都唔攰，因為我啲歌真係好難唱，我有信心唱得好畀大家睇！」

 

Janice受訪時也談到再進修唱功。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ