Lucy終於跟偶像面對面相見 獲撮合與MC拍廣告笑得特別甜

李璨琛的4歲囡囡李元元（Lucy）向來鬼馬兼表演慾強，近來更極度迷戀張天賦（MC），不時在家中狂loop偶像的MV 、大唱他的歌曲，更要攬住MC的人形紙牌入睡房，絕對是鐵粉一名，成為年紀最小的「賦二代」（粉絲暱稱），但兩人始終緣慳一面，未能正式見面。

不過「皇天不負有心人」，早前Lucy和MC在商戶撮合下終有合作機會，就是一同拍廣告，日前有約15秒的預告片推出，片中Lucy和MC同樣穿上藍色服裝在餐廳「撐枱腳」，Lucy更爬上枱想掂一掂MC的鼻子，在鏡頭前依然表情多多，十分搞笑。接着最後一鏡是兩人先相視而笑，繼而再望向鏡頭，相當合拍。

 

之前只可以對住個人型紙牌。

 

預告片中Lucy同偶像撐枱腳……笑得幾甜。

 

仲冇咗少女含蓄，爬上枱想親近MC。

 

依然動作表情多多。

 

而Lucy媽昨晚（13日）亦在社交網分享網民給她的Lucy和MC的廣告相片，當中留言：「金童玉女」，Lucy媽即搞笑回應：「係金童肉女。」有網民好奇問：「Lucy見到MC真人有咩反應？」Lucy媽大爆囡囡：「硬咗」，更有不少人戥Lucy高興：「Lulu終於得米，唔洗再攬住個紙牌，可以攬真人喇」。

 

MC同Lucy笑容一致。

 

網民話係金童玉女……

 

Lucy媽話係金童「肉」女至真。

 

Lucy同佢爹哋媽咪一樣咁搞笑。

 

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ