Anson Lo出新歌兼做MV導演 自覺能力不足壓力近乎爆煲

MIRROR成員盧瀚霆（Anson Lo）昨日（8日）推出全新跳唱歌曲《King Kong》，並首次擔任MV導演，以Virtual Background（虛擬背景）拍攝超現實故事情節。《King Kong》的MV靈感來自《移動迷宮》系列電影，Anson Lo希望能向電影致敬，所以MV的開場參考了電影拍攝。

Anson Lo首次擔任導演，他形容是一個很驚慌的體驗：「冇諗過自己要參與嘅部份有咁多，今次執導《King Kong》之後，就發現好多嘢都要顧及。今次係一個驚慌嘅經歷，喺幕後管理方面好多嘢都唔識，要人哋教我點去做稱職導演。」加上要承擔MV一切的好與壞，能否完全成功表達歌曲，更令Anson Lo感到無比壓力。

 

AL更出任今次新歌MV導演。

 

MV靈感來自《移動迷宮》系列電影。

 

再配合不少後期電腦效果。

 

另一個對Anson Lo來說的壓力來源，相信是因為拍攝上的不確定，事關今次MV很多畫面都要配合虛擬背景，於現場同步處理拍攝，過程中困難重重，不過他坦言亦是一個有趣的新嘗試：「因為可以用到一啲喺香港現實生活中未必有嘅場景，當係喺一個不存在未知世界裡面去進行《King Kong》嘅故事情節。」由於現場各個場口準備需時，加上拍攝內容甚多，結果MV需要分開兩日拍攝；合共花了近40小時，加上Anson Lo本身要趕拍劇，中途又要出席活動，結果多日來只睡了3個小時，難怪他形容是一個破紀錄的MV。

在MV中Anson Lo既穿上背心大騷麒麟臂，更滿身傷痕，不再青靚白淨，他笑言：「今次MV造型係自己史上最污糟邋遢、最不修邊幅，對我Standard嚟講係好大膽挑戰，因為我通常著長袖，得兩件Layer算少，而且一定長袖、西裝居多，希望今次MV會令大家覺得同以往嘅Anson Lo嘅跳唱造型有啲唔同。」

 

但AL坦言在執導上有很多不足地方。

 

MV足足拍了兩日合共約40個鐘頭。

 

MV中的造型也有所突破，不再是青靚白淨。

 

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ