呂頌賢保養得宜貌似26歲被指撞樣Edan有興趣演父子

2022-06-13 22:55

56歲的呂頌賢被網民大讚外貌身型保養得宜，貌似26歲、更與25歲的MIRROR成員呂爵安（Edan）撞樣！呂頌賢今晚現身活動，的確俊朗有型，他透露即將又要離港，本身一直穿梭中港兩地工作，但疫情下只能一年回港一次，而去年聖誕節回港後，原定3月返回內地，但遇上香港爆發第5波疫情，亦可算是焉知非福，事關隨後就上海封城，變相留港至今，內地工作已不能再推辭、7月要開拍網大，因此今個月底要起行。

呂頌賢後生都係一件唔錯嘅小鮮肉。

呂頌賢Keep得好，更被指與Edan撞樣。

對於被網民激讚，他先多謝大家畀面，謙稱前輩及同輩個個都保養得宜，自己不算特別，笑言：「可能我好少在港，少見面，覺得我不單止未死，仲Keep得幾好。」至於被指與Edan撞樣，他表示未見過對方真人，但看網上的兩張對照相片，都覺得有點似。問到可有興趣與Edan合作飾演父子？他即說：「我OK呀，看ViuTV有否興趣搵我合作，如果有機會我即刻唔走，事關我好冇耐冇拍港劇，有機會再與香港朋友和團隊合作會好開心。」