野人老師丨Stanley首任男主角感開心與鄭丹瑞演父子

2022-04-29 11:30

MIRROR成員邱士縉（Stanley）雖然是Dancer出身，但對演戲都非常有熱誠，出道後有許多演戲機會，之前更有幸到台灣拍攝台劇《第三布局塵沙惑》，使他獲益良多。雖然出道至今，他已經參演過11部劇集，但全都是做配角。昨日（28日）凌晨他於IG分享新劇《野人老師》的劇照，透露自己首次擔任男主角。

Stanley於《IIT狗》的表現獲讚。

Stanley於IG透露首次做男主角。

新劇與旦哥做父子。

一直期望往演員路進發的Stanley近年劇接劇，去年拍完《IT狗》就緊接拍《i.SWIM》，早前仍忙於拍攝《季前賽》，但原來他日前已悄悄加入另一新劇《野人老師》劇組。今日他於IG分享首次任男主角的消息：「終於可以講啦，呢排早出晚歸的原因！人生第一套男主角（劇集）。知道嗰一刻當然好開心啦，但我發覺原來有好多人知道我做男主角比我更開心。」又透露新劇有鄭丹瑞（旦哥）做他爸爸，「有好嘅對手，有心嘅劇組，希望到時大家會喜歡💕。」據知同劇仲有MIRROR成員Frankie（陳瑞輝）、談善言及沈殷怡。TeamStanley（Stanley Fans暱稱）得知今年最少有三套劇要追看，都表示非常開心。

Stanley最近劇接劇，《i.SWIM》拍完仲未播，已經拍緊《季前賽》同《野人老師》。

唔知Stanley拍晒《季前賽》啲戲份未呢？

Stanley要拍劇又要準備MIRROR紅館騷，有排忙。

其實阿旦上周接受林穎嫺YouTube頻道訪問，就已首度公開會與Stanley合演父子，而劇集主題圍繞教育，並指希望年底前可以播出。又指為了這部劇，他預早將手上的工作完成，「嚟搵我嘅都係年輕人，係第一次做導演，希望我可以幫到佢，於是……我能夠幫佢嘅……個故仔又幾好，一齊傾傾改改咁！既然係咁，做啦！幫到人，令佢終於可以一嘗導演夢咁幾好。」不過都話他未能拍太多夜班，希望劇組遷就吓佢，「能夠做得盡做，可以將我嘅經驗分享到，就盡量分享。我又唔覺得呢行青黃不接，其實代代江山代代有才人出。」但他自知可能是年輕人認為的寶藏，同時也可能是負擔，因為年輕人不一定要聽他說，「你想聽我就講，接唔接受唔緊要，而家後生完全有自己世界去做，唔好話出面啲年輕人，我兩個女都未搞得掂，佢哋有自己人生㗎！」林穎嫺對於他開通又無私提攜後輩都表示讚賞。