ERROR慘被鏡仔「飛債」波及 望新公司能扶四位「地底泥」上位
2022-04-27 22:00 
組合ERROR今日出席新公司MakerVille成立記招，問到他們對新公司發展意見？保琦希望有機會唱劇集及節目主題曲，連兒歌也想唱，即被其他成員取笑是「MakerVillie區瑞強」；肥仔自封是新公司的「洪金寶」，卻被隊友取笑是為「香港沙包王」會更貼切；阿Dee（何啟華）則希望公司能多發掘人才，更可以扶ERROR這班「地底泥」上位。
提到MIRROR宣佈將舉行演唱會，「飛債」亦波及ERROR，各成員收到不少買飛電話，保琦笑言：「通常開場白都係，『好耐冇見，有啲嘢想搵你幫忙...』最後唯有封鎖對方。」阿Dee則收到朋友發來的撲飛訊息，但對方即時刪除，笑言相信對方應該以為他是MIRROR的Edan。
此外，早前開Cafe的193被投訴食物貨不對辦及昂貴，他卻寸爆回應指Cafe就是呃錢，如果要平就去吃兩餸飯，因而再惹來網民新一輪狂轟，他解畫說：「我想澄清，我只係用個『呃』字代替個『賺』字，我開Cafe唔係開善堂，大家都認真咗，但要被針對都冇辦法，百貨應百客，要去就去啦。」
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
最新回應