蒙嘉慧日本開工好風騷撩網民玩估食乜估中真係有獎

2022-04-29 11:00

2020年，近年久未現身幕前的蒙嘉慧投資7位數，於福岡成立房地產公司「八方不動產株式会社」。據悉，該公司以廣東話溝通，為有意於當地投資或置業的香港人服務。

為了在日本發展，鄭太之前更投考日本語能力試，可惜一半題目都答唔中仲畀同事笑。可能見近日疫情緩和，鄭太已飛返當地開工。本周三（27日），佢喺FB自爆唔太熟路：「終於要返工，但返自己公司要求google大神係乜嘢玩法……#我唔入會計部㗎#真係好鍾意返工」。有網民亦留言問佢會唔會請地產經紀，她亦有回覆：「請㗎！」

返工唔識路要求救Google Map。

蒙嘉慧努力發展地產事業。

上個月，鄭伊健去咗台灣拍攝懸疑推理劇《百萬人的推理》，而鄭太就喺日本好風騷，食嘢都要出PO問網友，「估吓我食乜嘢早午餐，估中可能有獎。」有網友估中係沖繩飯糰，鄭太好開心，仲叫網友留地址會送上禮物，得獎者話喺香港，鄭太都照送。亦有網友留言話好想去日本，不過無打疫苗唔入得境，鄭太又即回覆，「入得，隔離七日，但而家只可以係商業原因或學生可以入嚟。」一直同老公鄭伊健低調生活嘅蒙嘉慧呢期好活躍喎！