黃貫中60幅畫作中割愛揀4張出NFT 計劃出實體碟回饋歌迷

2022-04-29 06:30

黃貫中（Paul）早前發行首支NFT音樂作品《彗星》，談到出自他手筆的《彗星》封面均與狗有緣，他表示歌迷看到的四大結晶只是冰山一角，原來他親自繪畫了近60幅畫作任君選擇：「我由出世到而家一直都有養狗，所以好鍾意畫狗，今次就順理成章做埋NFT。其實我準備咗五、六十幅畀佢哋揀，多到佢哋叫我唔好再畫，所以最後揀咗4幅。」Paul坦言起初面對一個新媒體，心情緊張及擔心，幸好接觸過後卻令他感到無比興奮！

Paul自小已喜愛畫畫。

要揀出四幅都真係幾難……

其中一幅作品。

除了推出首支NFT音樂作品，Paul亦未有忘本，他透露將會推出實體唱片！回溯上一隻個人專輯已經是2013年發行的精選輯，至於新碟概念，Paul視它為一張成績表：「係我呢一生人做音樂嘅成績表，我由80年代開始出唱片，就快40年喇，我都希望自己有一個里程碑。他日真係老到結他都彈唔到，我就會叫大家：『聽呢隻啦！』希望新專輯可以扮演呢個角色。」他更透露有意再出書，實行以音樂和文字為歌迷送上最窩心的禮物。