MIRROR新團歌為紅館演唱會揭開序幕水池勁舞內外全濕

2022-04-25 19:00

人氣組合MIRROR今年的第一首團歌《Innerspace》MV，將在今晚9時於MIRROR YouTube Channel推出，這次12子將帶大家進入一個充滿幻想的世界，在MV中上演一場激光及水舞間舞蹈，實行向高難度挑戰。

《Innerspace》由王雙駿作曲、小克填詞，有別於過去團歌，今次想大家多認識各人，從而尋找快樂的泉源，隊長楊樂文（Lokman）介紹歌曲內容道：「今次《Innerspace》帶大家進入一個幻想嘅世界，再帶大家跳入自己嘅壯闊宇宙，觀察內在嘅自己，再思考一下、了解一下、沉澱一下，從過程中發揮一個更大嘅潛能。宇宙都係一面鏡，學懂愛惜自己，就會學識周遭所有嘅嘢，係快樂嘅第一步。」

MIRROR喺2022年嘅第一首團歌《Innerspace》MV今晚首播。

喺水舞間舞蹈，挑戰高難度。

Anson Lo剛奪「Chill Club年度男歌手」金獎。

姜濤屈居亞軍，但都力撐好兄弟得獎。

為了今次《Innerspace》，MIRROR早前合體以兩日時間拍攝MV，Lokman形容為一日是文鬥，另一日則是「舞」鬥，Lokman說：「拍攝第一日主力係跳舞嘅部分，第二日就係Mood Shot。」值得留意的是，今次MIRROR於MV中不但在激光中起舞、更在水池中勁舞，而他們的舞蹈向來以複雜、高難度見稱，這次上演的一場水舞間將難度再次提升，是再一次挑戰MIRROR眾人的舞技與體能，眾人拍畢後由內到外全濕，不過12子都十分期待MV推出，讓大家看到極具震撼力的畫面。

另外，今次《Innerspace》是為即將首個紅館舉行的《MIRROR.WE.ARE LIVE CONCERT 2022》揭開序幕，MIRROR眾人均表示十分興奮，很期待演唱會的來臨。更多詳情，請留意明日詳情公佈。