黃宗澤憑《非凡三俠》奪最佳男主角買餸收好消息歎唔啱Timing

2022-04-27 13:30

黃宗澤（Bosco）憑劇集《非凡三俠》，在今天公佈的紐約電影電視節2022中，奪得「最佳男主角」優異獎，Bosco表示獲獎一定要多謝導演鄧衍成（Billy），因為《非》劇是對方遺作：「全靠佢拍得咁好我先有機會拎獎，同埋叫做對Billy有個交代，同時都要多謝編劇陳十三，寫一個咁好咁新穎劇本，令大家都有共鳴。」

Bosco分享得獎感受。

Bosco在《非凡三俠》中跟周秀娜和張智霖（右）合作。

Bosco（中）的表現獲得肯定。

次次收好消息都唔啱Timing

Bosco憶述收到入圍通知正是愚人節，笑問高層樂易玲是否整蠱他，直至看到證據便開始眼濕濕，Bosco表示：「做演員咁多年，無諗過會喺國際盛事上有提名，到通知我有獎，自己又啱啱買緊餸，啲timing次次都好錯，不過今次我收到電話時好淡定話係咩？哦！之後返到屋企食完飯先打俾朋友！我一向都無諗拎唔拎獎，當唔諗時反而有獎，係一個震撼彈！」不過因為疫情，頒獎禮只能以網上形式進行，Bosco坦言是有點可惜，但獲獎亦是一個肯定，Bosco坦言未來會繼續做好本份，演出好每套作品。