黄宗泽凭《非凡三侠》夺最佳男主角买餸收好消息叹唔啱Timing

2022-04-27 13:30

黄宗泽（Bosco）凭剧集《非凡三侠》，在今天公布的纽约电影电视节2022中，夺得「最佳男主角」优异奖，Bosco表示获奖一定要多谢导演邓衍成（Billy），因为《非》剧是对方遗作：「全靠佢拍得咁好我先有机会拎奖，同埋叫做对Billy有个交代，同时都要多谢编剧陈十三，写一个咁好咁新颖剧本，令大家都有共鸣。」

Bosco分享得奖感受。

Bosco在《非凡三侠》中跟周秀娜和张智霖（右）合作。

Bosco（中）的表现获得肯定。

次次收好消息都唔啱Timing

Bosco忆述收到入围通知正是愚人节，笑问高层乐易玲是否整蛊他，直至看到证据便开始眼湿湿，Bosco表示：「做演员咁多年，无谂过会喺国际盛事上有提名，到通知我有奖，自己又啱啱买紧餸，啲timing次次都好错，不过今次我收到电话时好淡定话系咩？哦！之后返到屋企食完饭先打俾朋友！我一向都无谂拎唔拎奖，当唔谂时反而有奖，系一个震撼弹！」不过因为疫情，颁奖礼只能以网上形式进行，Bosco坦言是有点可惜，但获奖亦是一个肯定，Bosco坦言未来会继续做好本份，演出好每套作品。