193 Cafe本月開張望三個月極速回本並計劃開分店

2022-04-07 21:30

男團ERROR成員193（郭嘉駿）向來有生意頭腦，瓣數多多，最近與3位中學同學合資開設日式精品咖啡店。Cafe 現正於試業階段，並將於本月10號正式開張。由於193想盡量低調，今日他就帶着狸貓面罩蒙住面化身「狸貓俠」與幾位拍檔現身cafe ，並為新店作宣傳。
文：張樂施圖：羅安強

193一向好有生意頭腦。

近年193密密接廣告，吸金力驚人，一向上進的他，最近終於完成開Cafe夢想，不過193在自己生意上希望低調宣傳，所以搞鬼的他就蒙着面化身「狸貓俠」，並強調自己是以郭市民身份接受訪問，認真搞笑！被問為何會有開Cafe的念頭？郭市民（193）表示平日放假很喜歡跟其中一位拍檔到不同的cafe 打卡，甚至去旅行都會試好多不同的咖啡店：「起初唔係好識飲咖啡，淨係睇裝修環境，諗住chill 下去打卡影相，最後就有呢個idea，都諗咗兩三年，但一直都未有動力去實行，今日終於可以實行到。」

193化身「狸貓俠」。

為實現做cafe老闆的夢想，他自爆今次投資了近二百多萬，可謂落重本裝修，他笑言：「呢到睇落好似好噏耷，但係其實都成千呎，地磚唔喺買現成的，而喺人手逐塊痴上去，因為想用多啲本土及手工材料，希望人哋睇得出同現成有分別。」193更謂Cafe的裝修預計會吸引很多女生來打卡，笑言如果有男仔想「溝女」便可以來這裏。

Cafe環境寬敞。

193到Cafe做宣傳。

另外，受第五波疫情影響，連累cafe正式開幕日期一拖再拖，但租金仍要照交，193保守估計淨租已白蝕近20萬元。但隨着社交距離措施逐步放寬，加上cafe 有很多全港首發的概念，193的拍檔表示有信心可以回本，並揚言目標一年至年半內，193聽了後當堂打個突，並笑言：「咁保守？我諗住兩三個月喎! 」193更透露已有計劃開分店，而每間分店都有不同的特色主題，而這間店舖便是以太空艙為主題理念。

Cafe受疫情影響開幕日期一拖再拖。

193更揚言對於cafe 的招牌食物Brunost cheese croffle 很有信心，是他在網上發現的:「疫情去唔到旅行，我就經常上網睇日本韓國嘅Cafe而家興啲乜，有咩打卡靚，可以呃到錢！」韓國非常流行，將牛角包整成一個窩夫餅，上面加了雪糕cream同埋brunost cheese，193說：「應該係香港唯一一間Cafe有做，第一次試已經覺得好好味，當中用嘅挪威特產山羊乳酪芝士，香港冇供應商，貨源亦非常之難搵，要就船期運來香港，所以cafe 亦會限量供應!」