李蘊重投恩師旗下再闖娛圈 各有各忙未敢搵好姐妹G.E.M.合作

現年30歲的李蘊（Renee）於2003年被經理人Peter Chiu睇中簽約成為輝煌娛樂旗下藝人，一直受公司力捧，直至2015年嫁現任老公羅章冠榮升人妻，誕下一對仔女，兼跟隨對方到內地發展，如今有見一對仔女逐漸長大，她就決定復出。12歲出道至今正好18年，她亦飲水思源重投恩師Peter Chiu旗下，並簽訂1314（一生一世）長約，未來將會中港兩邊工作。

 

李蘊未來會中港兩邊走工作。

 

李蘊出道時只有12歲。

 

去年緊急入院切除脊椎腫瘤的Renee坦言：「已經康復！覆診時醫生話傷口埋得幾好！照X光裏面嘅螺絲位置都正確！不過醫生話我皮太薄無咩肉，隔住層皮都摸到螺絲！哈哈哈！」至於中港兩邊飛，會否擔心未能照顧子女？Renee完全不擔心：「其實廣州好近，直通車都只需兩個鐘車程，以前未有疫情，我都成日中港兩邊走，媽咪幫手照顧小朋友，所以好放心！」她還開心表示復出決定獲老公力支持。

 

李蘊表示獲老公支持復出。

 

李蘊於2016年誕下大女後，再於2018年誕下細仔。

 

與鄧紫棋（G.E.M.）、何超蓮成閨蜜的Renee，被問會否邀G.E.M.合唱作復出頭炮？她說：「三姐妹各有各忙，同埋佢地主要市場都在內地，好開心見到佢哋做得好好，我呢位人母都要努力先做好自己，做個好榜樣。」

 

（左起）G.E.M.、何超蓮及李蘊是圈中出名的好朋友。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ