星島獨家丨193 cafe試業沖咖啡招待親友疫情拖累未開張先蝕20萬鋪租

2022-04-06 08:00

男團ERROR成員193（郭嘉駿）一向夠創意兼有生意頭腦，瓣數多多，最近落重本開設日式精品咖啡店，實現做cafe老闆的夢想。可惜遇上第五波疫情爆發，拖慢了193首間cafe的籌備進程，開鋪遙遙無期白蝕鋪租20萬元，可謂秒速燒銀紙。

本報記者昨日發現在cafe內有不少193的親友到場，原來老闆之一的193在店內跟拍檔一齊打點，似乎已經開始籌備試業階段。193跟拍檔在鋪內密斟一陣，之後親自搬café的招牌出門外並自拍打卡；後來有途人認出193，上前要求合照，他都親切不拒絕。在鋪內期間，193更為家人親手沖咖啡，事事親力親為。

193事事親力親為，拎招牌喺當眼位置。

有粉絲認出193要求合照，193亦親切唔拒絕。

193同拍檔一齊喺店內打點。

店內密斟，期間仲有親自沖咖啡。

指定動作，打卡先。

每月8萬鋪租

早有做生意經驗的193，深明娛樂圈演藝事業不長久，除了網店及期間限定店外，去年大膽跟幾位中學同學合資，籌備半年搞夢寐以求的實體咖啡室。原計畫在今年初開張，惟遭受第五波疫情影響，連店鋪裝修都受拖延，累cafe正式開幕日期一拖再拖。然而鋪未開，但租金仍要照交，據知193選址紅磡的cafe地鋪，面積大約900呎，月租約8萬元，保守估計鋪租加額外裝修開支已白蝕近20萬元。幸好之前在農曆新年開的pop up店賣自家設計賀年產品，當時都好爆場，相信193絕對可以在短時間之內，追返之前被第五波疫情燒掉的資金。