安孝燮陳年跳舞片瘋傳 手長腳長跳出鏡頭好搞笑

26歲的安孝燮憑《社內相親》人氣急升，雖然劇集剛大結局，但社長緊接拍《在你的時間裡》即韓版《想見你》，已有網友拍攝到佢同女主角全汝彬拍外景，相信會愈嚟愈紅。

 

安孝燮憑社長一角爆紅。

 

安孝燮的IG  Followers已升到670萬，舊史及情史順理成章出土，知道佢七歲跟家人移民到加拿大，高中時被JYP娛樂發掘回歸韓國做咗三年練習生，曾經跟GOT7的成員們一齊集訓，後來因為生得太高，有成187cm而未能正式出道，之後離開JYP加盟Starhaus娛樂，再跟郭時暘、宋元錫、權度均組成限定演員男團「One O One」，所以社長唱歌同跳舞都相當得心應手。日前佢同金世正為破收視找數唱歌，當時好多Fans讚男方唱得好，梗係啦，人哋爭啲出道做歌手㗎。

 

練習生嫩口Look。

好可愛。

同而家都似樣吖。

 

另外，一段17年上載嘅安孝燮同金瑟琪跳舞片亦浮返上面，雖然社長手長腳長，但舞蹈動作好Smooth，配埋可愛表情，最好笑因為佢對腳太長成日走出鏡頭，Fans留言叫佢唔好咁犯規，又叫佢停止散發魅力，好睇得嚟都幾好笑。

 

預備跳舞。

動作好俐落。

笑住跳好好睇。

舞蹈實力不錯。

跳出鏡頭。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ