盧海鵬幾十年老戲骨真假難分 揭藝訓班趣聞：唔曳點撈呢行

盧海鵬、吳麗珠、鄧英敏、張達明、林子聰、方力申、林迪安、火星及盧惠光，分三隊人馬做今（4日）明兩晚的TVB綜藝遊戲節目《講你都唔信》嘉賓。今晚一集重點，除了有小方大爆10年前拍攝床戲辛酸外，達明講故仔時更一度因興奮過度險些爆粗，相當爆笑。

小方接受TVB娛樂新聞台訪問時，坦言自己是純情小羔羊：「我雙魚座好容易信人，自己都唔會講大話。」林子聰即笑指小方一講大話就會面都紅晒。講到面對重量級前輩對手盧海鵬等人，林子聰謙稱難搞：「鵬哥呢啲幾十年老戲骨，影帝都唔夠佢演，點估到佢講真定假。」

 

方力申、林 子聰、張達明、鄧英敏、吳麗珠同盧海鵬做今晚一集嘉賓。

小方被爆講大話會面紅，你信唔信？

鵬哥幾十年老戲骨，講嘢真係好難分真假。

盧海鵬發功爆肚，志偉笑到收唔到聲。

接受TVB娛樂新聞台訪問。

 

曾志偉壓軸落場講故仔

至於「扮嘢始祖」盧海鵬則貫徹其特色瘋狂爆肚，大爆當年藝訓班趣事；與鵬哥是同期同學的鄧英敏，笑指盧海鵬當年是班長；問到二人訓練班同學是否很頑皮時，盧海鵬笑言：「個個都曳㗎啦，唔曳點撈呢行？」吳麗珠則被爆有「秘撈奇女子」稱號，入行後最叻是學會講大話請假。

據知後晚（6日）播出的最後一集，「獎門人」曾志偉將加入戰團親自上陣講故仔，並聯同錢嘉樂及C君組隊對戰薛家燕、阮兆祥及江美儀，主持陣容則會換上馮盈盈、鄭衍峰、江嘉敏、方紹聰（奶仔）及林秀怡，到底一班後輩能否鎮得住一眾轉數快過閃電的前輩？著實讓人拭目以待。

 

後晚最後一集有 C 君（左起）、錢嘉樂同埋曾志偉親自上陣。

佢哋會對戰江美儀（左起）、薛家燕同埋阮兆祥。

林秀怡（左起）、方紹聰、馮盈盈、江嘉敏同埋鄭衍峰擔任最終回主持。

志偉之前碎嘴講嘅故仔已經咁吸引，唔知最終回佢又會拎出咩秘密武器呢？

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ