講你都唔信｜森美獲MJ兒子教跳Moonwalk 曾志偉自爆醉酒失言之最

由曾志偉領軍主持的新節目《講你都唔信》，作客的森美在前晚（22日）及昨晚（23日）的兩集節目中，先後訴說了「巧遇米高積遜兒子」以及「假蛇酒」事件！搞鬼的森美講故仔期間除了大跳Moonwalk，更「鄉音大叔」上身講述「假蛇酒」事件。森美提及當年在美國讀書時，在派對遇上一個自稱是米高積遜（MJ）兒子的人，對方更示意教他Moonwalk。

 

曾志偉講一次搭飛機遲到事件被全機人誤會。

 

森美講假蛇酒事件時七情上面。

 

自嘲「乜酒都醉」的志偉，自爆曾因醉酒失神、竟於好友上山詩鈉婚禮台上錯叫嘉賓「一齊起立默哀」，十分驚爆。之後志偉又七情上面自爆搭飛機遲到瘀事：「我嗰次根本入唔到閘，因為架飛機飛咗，咁我諗住走喇，但工作人員話冇問題做埋我，我心諗：『唔係飛咗喇咩？』結果我入到去真係全架飛機嘅人都望住我，佢哋真係嬲喇，原來架飛機真係已經行咗出去，但因為零件問題返轉頭修理，但成架機嘅人都誤會咗係因為我而返轉頭。」

 

森美即席示範跳Moonwalk。

 

吳若希的「浸豬籠」事件亦同樣笑中有淚，事緣吳若希加入TVB 不久獲安排拍攝古裝劇，劇情講述其浸豬籠，故要綁手綁腳躺在豬籠裏並被浸入水中。豈料當吳若希「上水」後，工作人員竟連人帶豬籠將她放在一旁，期間更疑似遺忘了她：「我喺度諗係咪仲有鏡頭要補呢？嗰時天氣好凍，我濕晒同埋被綁住，但我都好安靜咁等。但等等吓唔對路，啲人開始執嘢，咁我咪大叫，終於有人發現我，咁就等咗45分鐘。」

 

吳若希嘅浸豬籠事件真係陰公豬。

 

森美組三位成員都有超強搞笑細胞及宇宙級口才，與「食腦三子隊」形成強烈對比，但講故仔勝在夠齊心的「食腦三子」，最終靠郭子豪使出「超悶講故仔」絕技取勝。

 

「食腦三子隊」一時內鬨一時齊心合力。

 

郭子豪最終以差勁的說話技巧勝出。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ