「正義女神」林希靈即將成為人妻陳安立夕陽下求婚成功

2022-04-04 14:00

TVB《東張西望》前主持人林希靈早前離巢，近日過檔香港開電視做主持，另外，她亦有跟ViuTV男友陳安立以情侶檔拍廣告搵真銀，除了事業有新動向外，林希靈更即將成為人妻，今日陳安立在社交網貼相留言，宣佈求婚成功，恭喜恭喜！

圈中好友送上祝福

一對準新人分別在社交網貼出求婚當日的靚相，相中見兩人在夕陽前合照，男方擺出大力士的甫士，而女方則高舉戴上鑽戒的手分享喜悅。陳安立以留言回想當日求婚情景：「求婚時候，我邊拿著手機，邊説着情深説話。一直以為有錄影，卻原來從沒有Roll機。無辦法，唯有用餘生慢慢再説。」林希靈也留言謂：「我最好的朋友，餘生請多多指教。」不少圈中好友如張繼聰、蔡思貝、湯洛雯等也紛紛留言送上祝福。

林希靈在《東張西望》中被封為「正義女神」。

兩人之前以情侶檔拍廣告。

求婚過程男友多蝦碌

而林希靈回覆本報時表示：「佢求婚過程都幾搞笑同『蝦碌』，原本約佈置嘅人約錯時間，原定叫對方夜晚嚟，但點知佢哋第二朝先到。跟住佢問我有咩新年願望，佢想我答做人妻，但我就答咗其他好似身體健康咁，佢支吾以對，之後先攞戒指出嚟，我先知佢想求婚。跟住佢又想自己攞電話錄低過程，點知完咗先知冇錄到，所以成個過程都係搞笑同難忘，一世都會記住，」她又透露將會在年尾結婚及擺酒。