方力申單身6年再傳緋聞 遭網民踢爆送狗公仔力追港姐冠軍陳曉華

現年42歲的方力申（小方）被傳有過億身家，但自從與拍拖10年的鄧麗欣（Stephy）分手後，已經做了6年單身寡佬。而小方身邊不斷有靚女埋身，傳過馮盈盈主動出擊，但遭小方媽媽取笑「入唔到門」；又被樂易玲踢爆情人節送花冧陳瀅，而網民又屢次要求小方翻撻舊愛Stephy，但小方至今仍堅稱是單身。

近日小方再有「新女」登場，傳與年輕15歲、2018年港姐冠軍陳曉華（Hera）發展地下情。有網民在小方的社交網數度留言，踢爆小方送狗公仔給Hera，並催二人要快些公開戀情：「幾時帶陳曉華見方媽媽」、「方力申同陳曉華拍拖快啲公開...又係要收收埋埋唔認，個女仔好慘架比你玩...送禮物畀人就追人啦，又唔認拍拖」。

Hera的社交網同樣被入侵，分享靚相後留言：「Magic of the film camera」，小方給Like並回應：「除了增值自己，活得自在，不介意被比較，日子都可以過得快樂」，有網民即連發4個留言並tag小方，要求他認愛陳曉愛！不過，網民未有實質證據公開，未知是否避嫌，還是太過不勝其煩，二人不約而刪掉留言，但網民好快又繼續留言狙擊。

 

小方賀媽媽生日貼相，即被網民逼認愛陳曉華。

網民叫小方公開認拍拖。

陳曉華的社交網同樣被狙擊。

網民爆料指小方送狗公仔給陳曉華。

陳曉華是2018年港姐冠軍，曾與狄易達拍拖。

 

小方和Hera看似大攬扯唔埋，但其實二人亦曾多次合作，Hera做過小方和當奴主持的節目《鬼上你架車2》嘉賓，二人又一齊參加TVB運動會；在李居明的玄學節目上，更被大師批八字夾「兩個可以談戀愛」。不過，小方和Hera回覆傳媒時雙雙否認戀情，小方指網民用假賬戶不應當真，強調沒有拍拖。

 

Hera做過《鬼上你架車2》節目嘉賓。

李居明話佢哋八字夾。

Hera否認戀情。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ