講你都唔信丨波波曾跑扶手電梯仆倒走光自爆花名「銅鑼灣粉紅」由來

2022-03-29 14:00

TVB總經理的曾志偉及錢嘉樂，跟新一代藝人一同合作主持全新遊戲節目《講你都唔信》，首集便有丁子朗及林秀怡，而每集會邀請不同嘉賓就主題大爆鮮為人知的事，而上星期播出首集嘉賓之一便是新一代TVB性感女神黃婧靈（波波），她在節目中自爆「一生人最瘀嘅事」，波波指當時突然興起一口氣跑上扶手電梯：「去到一半啪一聲大字型趴喺度！其實我都嚇親，但我同自己講，一定唔可以輸，諗住起身再嚟過嗰陣，我feel到由腳到pat pat都勁涼，心諗咩事呢？個手踭又有啲嘢撩吓撩吓！原來成條裙飛咗上嚟手臂度！跟住啲同學勁大聲、勁齊咁超恐怖咁嗌『粉紅色』、『粉紅色』，成個商場都聽到，勁崩潰！」

波波指同學更因此幫她改了個花名叫「銅鑼灣粉紅色」，志偉聞言笑指她：「銅鑼灣咋喎！去到北角變黑色喇喎！」說完即全場爆笑。

曾志偉（右二）及一眾男嘉賓，聽波波自爆瘀事時十分入神。

波波果然是新一代TVB的性感女神代表。

不少男士心目中的女神。

至於昨晚（28日）一集，志偉和錢嘉樂帶領過氣緋聞情侶馮盈盈及鄭衍峰一同主持，嘉賓有Maria Cordero（肥媽）、薛家燕、陸浩明（6 號），對戰阮兆祥、鄧兆尊及何遠東，而主題則是「第一次」，而家燕姐則大爆早年登台驚險經歷，她透露1973年左右在菲律賓登台，演出完首天後坐車回酒店途中，發現一名廿多歲男子隨街小便，該名男子認出家燕姐後，竟跟蹤她回酒店，並多次打電話上家燕姐酒店房要求見面。

及後酒店職員更指該名男子正帶着手槍衝上房，該名男子見多次拍門家燕姐冇回應，找上住在隔離房的同行的男歌手，挾持男歌手並威迫他飲酒。家燕姐叫酒店職員報警，但原來該名男子為當地有勢力人士，警察到場後不久即快閃離場，留下該名男子繼續搞事。最後事件驚動該名男子的爸爸到場調停方，男子爸爸更向家燕姐一行人道歉及賠償，但已嚇破膽的家燕姐未有演出第二場騷，便立即飛機返港，她苦笑謂：「我第一次差啲失身，就係咁喇...真係好得人驚。」在場肥媽指自己也曾有相似遭遇，她透露有次與任達華一同到印尼登台，華哥唱歌時喜歡送花給靚女，結果得罪當地有勢力人士，對方拿着槍迫華哥飲酒，肥媽竟衝出來頂酒，幸最後只是有驚無險。