C AllStar合作12年經理人和監製移民 釗峰憑歌寄意接受新生活蛻變

與C AllStar已合作12年的經理人小吉和監製阿簡今日（6日）移民離開香港，展開新生活。C AllStar其中三位成員梁釗峰、陳健安（On仔）和何建曦（Jase）也到機場送別昔日戰友。On仔和Jase在IG限時動態中用上《留下來的人》最後一句「那日見」互相勉勵，而釗峰則用副歌中一句「只可接受新生活的蛻變」來形容當刻感受。

釗峰發文回憶與阿簡和小吉在這12年的經歷，感慨寫道：「2009年，遇上，無數個重要時刻，我們都同在。鬧過交，比佢哋煩過，一齊開心過，興奮過，亦有感動過，啲眼淚呢…邊數得清。迷失嘅時候，慶幸咁多年背後有兩位支柱，而家雖然條柱就遠咗啲，我哋各自好好為新生活加油吧！」

 

經理人小吉（白衫）和監製阿簡（後排）都選擇移民。

他們以《留下來的人》最後一句「那日見」互相勉勵。

而On仔則在帖文中一再感激阿簡和小吉一直以來的照顧：「你哋係我最大嘅comfort zone。簡，多謝你嘅栽培，多謝你成就C AllStar嘅一切，亦製造我23歲至今最青春最黃金嘅回憶，多謝你嘅任性。小吉，永遠記得你最強嘅一句，『俾啲好嘢人睇！』12年嚟辛苦哂，多謝你。」

由組合成軍，到休團單飛再集合，這兩位領航人的確陪伴着C AllStar成長，這次他們的離開相信亦代表着C AllStar準備遇到更多未知的挑戰！

合作12年，大家有好多回憶。

當中有笑有淚。

立即下載 | 全新《星島頭條》APP : https://bit.ly/3yLrgYZ