俄仔Ansheles自認好飲得 獲指點迷津今年運程非常好

「俄仔」Artem Ansheles日前拍攝香港開電視賀年特輯，與主播馬梓軒一同學習泡紅茶。Ansheles指農曆新年吃了很多糕點，飲茶消滯確是不錯的選擇。被問到俄羅斯人是怎樣慶祝新年？Ansheles表示：「最重要嘅活動係飲酒！俄羅斯人過年會買好多酒同埋煮好多嘢食，食物多數係圓碌碌嘅形狀，寓意團圓同埋好意頭！另外沙律係過年必食嘅嘢，點解天寒地凍仲要食沙律呢？因為啲人飲完酒之後嗰幾日都醉醺醺，所以食沙律就最方便！（咁你自己嘅酒量如何呢？）如果同香港人比較嘅話，我算係好飲得㗎，可能因為我有戰鬥民族嘅血統！」

Ansheles指飲茶消滯好得。

回顧上年的工作，Ansheles稱很難忘去年拍攝的電視節目：「記得之前同香港開電視拍咗一個節目《開運秘笈》，當時有師傅幫我指點迷津，佢睇完我嘅八字，之後就話我過往3年運程都唔係幾好，不過師傅話今年對我嚟講會非常好！」

Ansheles又表示過去一年，花了很多精力籌備首張個人專輯：「喺呢隻碟上面我參與咗好多，親自寫歌、監製歌曲，為大碟創作咗好多視覺效果，好多之前香港冇見過嘅嘢，所以我都好期待大家對新碟嘅反應！」

Ansheles話俄羅斯人過年會買好多酒同埋煮好多嘢食。

立即下載 | 全新《星島頭條》APP : https://bit.ly/3yLrgYZ