陳山聰見報率唔及囝囝Jaco 為胡定欣有體臭平反

2022-02-06 17:30

陳山聰、姚子羚、伍允龍及王子涵等多位演員今日為電視劇《鐵拳英雄》舉行新春活動，不過陳展鵬正忙於拍劇、唐詩詠因身體不適，雙雙缺席。提到劇集最高有25點收視，山聰表示很開心，即場承諾達35點收視就穿泳褲，著劇中的另一半子羚穿三點式；看到子羚未有應承，山聰游說說：「好耐冇試過35點，犧牲下啦！」子羚聞言就答允，笑謂：「好啦、好啦，最多加件外套。」

今年犯太歲的子羚表示大年初一已跟山聰拜過年，因一起去拜神祈福，祈求劇集有好收視及身體健康。山聰即做心心手勢爆她還有求姻緣，子羚亦承認的確有祈求早日遇上如意郎君。問她不是已有？她笑道：「如意郎君唔嫌多！」

《鐵拳英雄》舉行新春活動。

陳山聰承諾收視達35點就穿泳褲，仲叫埋姚子羚一齊穿三點式。

姚子羚展現敏捷身手。

有網民話胡定欣有體臭，所以Jaco好抗拒，陳山聰與姚子羚（左）受訪時話要封多兩封利是畀對方。

山聰則自爆遭胡定欣開年！事緣山聰在社交網指李施嬅和胡定欣先後到其家中拜年，但寶貝仔Jaco態度不一、冷待定欣；山聰澄清說：「其實係定欣經常整蠱Jaco，Warm Up之後Jaco都肯畀定欣抱，都有佢哋好老友嘅片，只係冇放出嚟。（曾留言指懷疑定欣有體臭？）原本定欣睇唔到我留言，但有報道出咗，佢即時打嚟鬧我『玩嘢呀』，依家大鑊，有排搞，我要封多兩封大利是畀佢。」山聰又自嘲親身出來宣傳都不及寶貝仔的見報率，Jaco能包辦大年初一至初三的篇幅；子羚也指Jaco比山聰更紅。