張敬軒願將至尊大碟獎劈開一半 與C AllStar分甘同味

張敬軒演唱會昨晚（3日）來到第十場，請來 C AllStar擔任嘉賓，軒仔揚言今年叱咤樂壇至尊唱片大獎，個人覺得應由C AllStar得到，令他們感動萬分，頻頻多謝皇上眷顧。

 

嘉賓出場前，軒仔自爆小時侯曾遇騙子，先付五萬元，才幫他出一隻獨唱及半首合唱歌。他反問為什麼會有合唱？當時的公司回應：「你個樣有病咁，又黑又瘦 ，我哋會將你做個組合囉，個名就叫『銀河傳說』！」軒仔本身是獨生子，得知有人陪伴上台唱歌心裡一度很高興，但最後仍是失望：「以前廣州有一個地方，叫銀河，嗰個地方等同而家香港嘅和合石。當然我最後都係冇去到銀河啦，所以今晚要圓我想做組合嘅美夢，一嘗組合滋味，請我隊友出來。」接著C AllStar 升出來跟他合唱《集合吧！地球保衛隊》。

 

軒仔請咗C AllStar做嘉賓。

 

軒仔話可以將個至尊大碟獎劈開一半同C AllStar分。

 

C AllStar表示細細個已經聽軒仔唱歌，安仔更清唱了幾句自己中三時，最喜歡軒仔的一首歌《遙吻》。之後，五人在台上互相恭喜對方在頒獎禮上得好成績，軒仔更大讚《人類世》應奪今年至尊大碟，他說：「我覺得成張唱片整個慨念既完美，又能貫穿你C AllStar精神。」而C AllStar笑言如果這個獎有兩個便好，他們可以一起得獎。軒仔大方話: 「好呀，一陣我返去劈開佢一半畀你哋。哈哈哈。」獲得全場掌聲。繼而C AllStar再唱了《留下來的人》送給觀眾作結。 

 

一班聲夢學員都有捧場。

 

當中包括炎明熹同姚焯菲。

 

胡定欣、胡蓓蔚、姚子羚等一班老友約埋睇騷。

 

立即下載 | 全新《星島頭條》APP : https://bit.ly/3yLrgYZ