前𡃁模楊梓瑤瑜伽教室疫情停業 要求業主減租被拒

有「浸大咪神」之稱的前𡃁模楊梓瑤（Carol，現名：楊焉）淡出娛樂圈後，轉型做瑜伽教練，年前創業開設瑜伽教室。本港第5波新冠肺炎疫情肆虐，政府多次收緊防疫措施，早前已將體育館、運動場、健身中心、泳池等體育運動設施關閉。

 

Carol的瑜伽教室亦受影響，她昨日（5日）在社交網上載與租務職員的對話，Carol要求「遲少少先交租」，但遭對方無情拒絕，指政府有資助，並要求Carol尊重合約精神，並說：「交唔到租都無理由要業主suffer㗎，上頭無指示會減租，如果你唔交租我哋會睇吓legal嗰邊有咩行動！」其後更cut線。

 

Carol憤憤不平寫着：「有頭髮邊個想做癩痢？上手業主起碼都肯減管理費，雖然唔係多但管理費成$8000。轉咗新業主成幢大廈買咗，員工都唔同晒。其實都唔係叫你免租，都係想你幫幫手同業主反映睇吓可唔可以減租，你話可以幫我問一問上頭，其實我都收貨。如果市道好返大家真係要小心咁揀業主。」

 

真係有頭髮邊個想做癩痢？

 

早前腹大便便仍有教瑜伽。

 

Carol要求遲少少交租被拒。

 

Carol曾被封「浸大咪神」。

立即下載 | 全新《星島頭條》APP : https://bit.ly/3yLrgYZ