獨家丨姚樂怡24歲細佬英國Master畢業激似吳尊王浩信混合體

2022-02-05 20:00

現年48歲的前TVB藝員姚樂怡（Sherming），自2012年與圈外老公吳俊匡（Alan）婚後淡出幕前，仍不時在社交網分享近況及生活點滴，例如與老公一齊湊囡囡Gaibe（小雞髀）的家庭照，又有跟「七魔女」相聚的開心片段。

其實Sherming還有一位比她細24歲的弟弟，日前她在社交網上載一段弟弟抱住貓，對住鏡頭回眸一笑的短片，雖然衣着打扮好「街坊」，但靚仔樣就被網民激讚是「吳尊和王浩信」混合版，留言：「細佬咁靚仔結婚未」、「弟弟越長越帥」、「弟弟好帥，可以出道了」。過去Sherming亦曾上載姊弟合照，一家人去旅行，又會一齊慶祝生日，但兒時的弟弟膚色偏黑，現已長大成人，今年24歲的細佬變得愈來愈靚仔。

姚樂怡細佬好聽話，家姐叫佢拍片就拍片。

唔笑個樣，又真係有啲似吳尊。

Sherming透露細佬去年剛在英國讀完Master，現在喺深圳任職IT。

打扮好樸實。

年前去英國讀書。

細佬細個好黑。

Sherming今日接受《頭條娛樂》訪問，透露弟弟名叫日豪，英文名叫「Yahoo」，作為家姐得知弟弟獲網民激讚亦感自豪：「佢OK㗎，我細佬嚟㗎喎！」她表示拍片是因為一時貪玩：「因為抖音有個熱門話題，但就一定要有細佬喺身邊，我細佬就喺深圳，邊個話唔喺身邊唔可以？我就叫佢拍條片畀我，我再用手機翻拍囉。」

她透露弟弟去年剛在英國Master畢業，現在深圳任職IT行業，前途無限。她說：「佢上年先透過Zoom寫完論文畢業，返咗份IT工半年，可以喺香港或深圳返工，咁當然返深圳人工會較好。」問到弟弟可會入娛樂圈？Sherming笑說：「佢烏啄啄㗎，如果真係有人搵（拍嘢），我就做佢經理人啦！哈哈！其實佢好純品，去英國讀書時，每日都會打video call畀爸爸媽媽，如果我個女將來咁sweet就好嘞。」