張進翹寫揮春祝「翹盼幸福」 拜年食晒提子味瑞士糖

歌手張進翹（Manson）應香港開電視主播馬梓軒邀請拍攝賀年特輯，更即席揮毫寫揮春。Mason分別寫上「金虎與共」以及「翹盼幸福」，他亦不忘解釋當中含意：「我寫『翹盼幸福』係想送畀每一位香港人，只要我哋願意選擇開心，選擇幸福就會幸福！但點解要翹盼呢？就係希望大家就算喺困難嘅情況，或者疫情之下，都可以保持自信同埋健康嘅身體，去期盼我哋嘅幸福來臨！」

即席揮毫

談及農曆新年的活動，Manson笑言大掃除是每年必做的事：「因為我間房好亂呀，我已經搞唔清楚自己本身係鍾意整齊還是鍾意邋遢！另外過年我同屋企人一定會去行山，我哋通常去龍脊，嗰度都算易行，同埋行山嗰陣都成日撞見朋友，好開心！」
過年期間，Manson除了珍惜與家人朋友相聚，品嚐賀年糖果亦是重要一環：「我好鍾意食瑞士糖！去親婆婆屋企拜年，佢個攢盒一定會有好多糖，然後我就會食晒裏面紫色提子味嘅糖，然後其他親朋戚友就會問點解冇晒提子味嘅？其實就係俾我食晒！」

張進翹過年都會同屋企人去行山。

立即下載 | 全新《星島頭條》APP :https://bit.ly/3yLrgYZ