IT狗大結局丨魯庭暉笑言冒死公開讚賞 Frankie承諾努力裝備自己

ViuTV劇集《IT狗》自播出以來，深受網民熱捧，而昨晚（4日）大結局的劇情講到凌文龍飾的「葉念信」，創立的手機程式「PayPayDuck」最終未有接受大公司Moby的收購，葉念信更公然踢爆Moby老闆「萬鈞」研發的AI功能其實另有陰謀，最終Pay Pay Duck獲某大公司賞識，成功大展拳腳。

身為此劇出品人的ViuTV總經理魯庭暉昨晚亦有收看大結局，他事後有在IG出post，特別點名稱讚在劇中飾「Never」的MIRROR成員陳瑞輝（Frankie），他寫道：「當然，Frankie嘅演技唔係乜嘢神級。但我覺得，佢今次，係一位演員。啲人話因為佢個性格都似Never，所以咪做得好囉；我唔贊成。任何一個人對住鏡頭，背住對白，做第二個人，就算你嘅性格同嗰個角色好似，你估咁就好易呀？係，係易啲啲，但當中一定需要有努力、沉澱、投入…先至會令人知道，嗰個係Never。呢一點，證明佢今次，係一位演員。」

 

一眾演員昨晚齊集看大結局及之後做網上直播。

 

凌文龍飾的「葉念信」踢爆對手的陰謀。

 

凌文龍和Locker（右）飾的開開，扮外賣仔混入演講場地。

 

而Never（右）和星之子Tony去場外搗亂轉移視線。

 

兩人即場大跳MIRROR的《ASAP》，十分搞笑。

 

接着魯庭暉不失幽默本色，笑言今次發文是冒著生命危險：「呢篇野（嘢），冒着生命危險寫：一陣花姐又話我做乜淨係講一個唔講埋另外嗰啲Mirror囝囝；金生又話我做乜唔讚下製作團隊；仲有呀藝人部主管又投訴我唔提吓其他artists。咁呀，唔講唔讚唔提，唔代表唔上心，咁唔通呀，IT狗裡面其中兩位演員，拍咗另一套嘢，我睇完rough cut (演員未睇）之後我覺得嗰套嘢一出街有機會令人眼前一亮我又周圍話俾人聽咩。講、讚、提….不如做啦。」魯生公然讚自己，Frankie亦有留言謂：「多謝魯生，我會繼續裝備自己㗎！never say never。」另外，播完大結局後一眾演員陳漢娜（Hanna）、凌文龍、楊樂文（Lokman）、Frankie、彭秀慧、林家熙（Locker）、魏浚笙（Jeffrey）及周祉君等做網上直播，一度吸引過萬人收看。

 

魯庭暉在IG撰文讚Frankie。

 

魯庭暉笑言是冒死留言。

 

Frankie飾的Never雖佔戲不算太多，但他演出卻恰到好處。

 

Frankie演出令觀眾發出會心微笑。

 

Frankie感謝魯生讚賞，並表示會努力裝備自己。

 

 

立即下載 | 全新《星島頭條》APP : https://bit.ly/3yLrgYZ