青春本我｜C君演補習天王Rap唱首本名曲 Chantel嘟金魚嘴賣萌索吻

TVB青春劇《青春本我》將於明晚（6日）的一集劇情，講述眾人為了令考試成績升Grade保住校園祭，紛紛找補習天王施Sir（C君飾）補習。雖然只是客串性質，但C君演出非常突出，為了配合補習天王造型，C君以型格西裝上陣，甫出場即大Rap自己作曲填詞的首本名曲《偉大航道》，並邊Rap邊與一班聲夢學員攬頭攬頸，配合「細路哥細細個仲細得幾多年，唔好畀你嘅童年淨係充滿考試同測驗」、「望下個天、咁好天、去下海邊，因為到你大個就會忘記乜嘢係大自然」等歌詞，畫面既輕鬆又治癒。C君獻唱完畢後，緊接大拋金句提醒時下學生「一個人最緊要係實力，勤唔勤力，而唔係學歷」之餘，並要抱著「改變唔到事情，就改變心情」的心態，非常有意義。

 

C君著到官仔骨骨升呢補習天王！

 

同一班後生仔攬頸攬頸。

 

另外，See See TVB日前在社交網上載《青春本我》NG合輯第2輯，片中「國民初戀」姚焯菲（Chantel）大獻可愛一面。原來鏡頭背後的Chantel是好動寶寶，停機後經常「無時停」，一時大跳開心舞，一時又嘟起金魚嘴賣萌，更作狀要錫Gigi（炎明熹），非常搞笑。片中亦收錄了C君Rap唱場口相關NG片段，未知是否忘記對白關係，C君突然對着扮演學生的其中一名演員說：「你都嚟補習？48歲㗎喇喎！」大放無厘頭笑彈！ 

 

Chantel私底下原來係好動寶寶。

 

Gigi一貫氣定神閒懶理Chantel賣萌。

 

立即下載 | 全新《星島頭條》APP :https://bit.ly/3yLrgYZ