Wyman夜拍巴黎飄雪靚景為Fiona新歌製期間限定MV

2022-01-11 02:01

黃偉文同薛凱琪相識17年，一直riend到而家，前者為後者創作唔少大熱作品，如《奇洛李維斯回信》、《給十年後的我》，甚至連Fiona出道第一首派台歌《XBF》也由Wyman操刀。

黃偉文同薛凱琪好啱傾，疫情前經常有聚會，

黃偉文舉行作品展音樂會，薛凱琪做足六場嘉賓。

最近Fiona與Wyman再次合作推出新歌《月台上碰面》，身處巴黎的後者不忘為好友炮製驚喜，見巴黎落緊大雪，就拍低浪漫雪景，仲見到雪中嘅巴黎鐵塔，背景音樂係阿Fi首新歌。Wyman喺IG分享呢段冧死老友嘅影片，仲話填詞人呢份工唔易做，除咗寫得之外，其餘仲要送好多贈品哈哈哈更以hashtag強調你都唔知我一生送出咗幾多贈品哈哈哈哈。

最後Wyman歡迎大家搵啲罐頭片剪埋剪埋剪個無歌手嘅MV出嚟同埋@佢哋。有創意嘅朋友不妨玩吓。而薛凱琪收到老友嘅心意，即用英文兩度留言：「Thanks for all the love always ! And wait for more clips to come 」，「Ahhhhhh super romantic(心心眼)waiting for one with u in it !!!!!!!。」阿Fi覺得好浪漫又好多謝對方嘅愛，總之好冧。