星島獨家丨193落舖打點補貨一手包辦 實體店登陸旺角「老婆」排隊爭住買

2022-01-11 00:00
193親自巡舖!
193親自巡舖!

男團ERROR成員193(郭嘉駿)近年工作繁忙,廣告、綜藝、主持及劇集多方面發展,而一向熱愛時裝的他早年所創立的自家品牌亦大受歡迎,臨近新年,193特別在旺角開設其個人品牌的新年限定店,大班「老婆」(fans)排隊爭住買,開舖首日,193亦親自落舖補貨打點,力不到不為財!

 

呢位老闆親力親為好抵讚!
呢位老闆親力親為好抵讚!


近日193旗下自家品牌的首間實體「新春期間限定店」開張,吸引近百人在門外排隊等候。門口招牌配上193的口頭禪「知我咩料啦!」和他的形象卡通,場內更安排巨型打卡位,精緻又夠潮!早前193的品牌曾推出口罩和衣服,由於反應熱烈,於是順勢推出賀年產品及開實體店,193的一班「老婆」為表支持,紛紛到店內購物及打卡。1月8日、實體店營業的首天,店內已有多款產品售罄,身為老闆的193隨即在傍晚親自駕車送貨到店舖進行補貨,而送貨到店後193沒有立刻離開,繼續留在舖頭幫手招呼客人,更應粉絲要求簽名和合照,其中有粉絲要求193簽名在身上的衣服,33都冇托手踭,照簽!

 

193高到咁,「老婆」都好難認佢唔到。
193高到咁,「老婆」都好難認佢唔到。

 

好多「老婆」等住幫襯193。
好多「老婆」等住幫襯193。

 

真人現身少不免要俾Fans集郵。
真人現身少不免要俾Fans集郵。

 

此外193早前揚言有開咖啡店的構想,原來絕非得個講字,最近他終於在自己的社交平台標籤了一間新的咖啡店,為舖頭作出招聘,據知一直都鍾情咖啡兼去靚Café的他,今年初終於定好,應該二月尾會開業,而知道自己乃Cafe新手的193,亦找來有經驗的拍檔合作!

 

193出IG Story,唔知呢間請人嘅咖啡店,係咪就係佢開㗎呢?
193出IG Story,唔知呢間請人嘅咖啡店,係咪就係佢開㗎呢?

 

呢間咖啡店就快開張!
呢間咖啡店就快開張!

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章