ViuTV女團兩日後出道 海港城搞記者會恐引Fans聚集

2022-01-10 21:00
ViuTV女團仲有兩日就出道嘞!
ViuTV女團仲有兩日就出道嘞!

ViuTV《全民造星IV》首次以選女團名義搞比賽,上月25日決賽已圓滿舉行,冠軍Marf(邱彥筒)、亞軍Gao(沈貞巧)及季軍Day(許軼)已確定入團,但其餘成員尚未公佈,搞到全港都好好奇呀!今日ViuTV向傳媒發採訪邀請函,除了告知女團出道記者會地點為尖沙咀海港城,以及出席嘉賓有ViuTV董事兼總經理魯庭暉先生和女團經理人戴穎外,關於女團的詳情都不多, 出席藝人一欄亦只用「女團成員」帶過,相當神秘!

 

ViuTV今日公佈女團將於兩日後出道。
ViuTV今日公佈女團將於兩日後出道。

 

 

另外由於近日爆發第5波疫情,好多大型活動都取消咗,而家睇嚟冇影響到ViuTV女團出道噃!不過唔知會唔會引來太多Fans聚集呢?鑑於疫情ViuTV都做足準備,採訪邀請函提傳媒配戴口罩、量度體溫、進入場地須使用「安心出行」等。

 

《造星IV》三甲直入女團,淨係呢三位都已經有唔少Fans。
《造星IV》三甲直入女團,淨係呢三位都已經有唔少Fans。


而之前網上有女團名單流出,有指女團會係個8人組合,成員傳聞除了《造星IV》三甲外,仲有芯齡、Ivy So(蘇雅琳)、Candy(王家晴)、So Ching(蘇芷晴)及Winka(陳泳伽)。而VivTV日前亦被網民發現註冊了新商標,意外流出女團團名係「COLLAR」,IG亦有個名為「weare.collar」的IG專頁,由於同男團MIRROR一樣IG專頁名有「weare」,令「COLLAR」呢個團名的可信性提升。「COLLAR」的IG專頁現時連Icon都del埋,亦冇Po出任何帖子,已經有近萬人Follow,可見網民對ViuTV女團非常期待。

 

ViuTV早前被發現註冊新商標,疑流出女團團名係「COLLAR」。
ViuTV早前被發現註冊新商標,疑流出女團團名係「COLLAR」。

 

有傳女團會有8個人,名單日前流出,但未知有幾成真。
有傳女團會有8個人,名單日前流出,但未知有幾成真。

 

個IG page咩都冇已經有成萬人follow。
個IG page咩都冇已經有成萬人follow。


今日下午ViuTV於官方facebook出Po,大大隻字寫住「HOLD YOUR BREATH」Debut Stage(出道舞台),而「HOLD YOUR BREATH」字面上解忍住呼吸,其實也有敬請期待之意,不過叫人hold住呼吸,真係不禁令人諗起某台主持叫人hold住呼吸影張相呀!um…講返個女團先,有Fans就估「HOLD YOUR BREATH」係女團出道歌,可能唔想太多Fans聚集,ViuTV今次同樣有網上直播,咁Fans就安坐家中都睇到偶像出道嘞!

Fans估「HOLD YOUR BREATH」係出道歌歌名。
Fans估「HOLD YOUR BREATH」係出道歌歌名。

 

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章