潘燦良露「狠樣」煮飯服侍蘇玉華 疫情累舞台劇電影延期

2022-01-10 23:00
慘慘……
慘慘……

本港爆發第5波疫情,娛樂圈亦大受影響。政府上周公佈新防疫措施,由1月7日(周五)起收緊社交距離,為期14日。潘燦良與黃子華首次合作主演的舞台劇《最後禮物》,正正就原定上周五(7日)開始演出,但因收緊防疫措施,主辦單位都宣佈將頭14場的演出延期。至於本月13日至下月25日演出合共的26場次,則待政府之後的防疫安排,再作決定。

 

同子華個舞台劇搞到頭14場都要延期。
同子華個舞台劇搞到頭14場都要延期。


唔使演出潘燦良有咩做?佢老婆蘇玉華開估!之唔係煮飯囉,蘇玉華昨日(9日)於facebook上載潘燦良正在煮飯的照片,並留言表示:「呢個男人無得演出,唯有煮嘢比我食啦!」潘燦良個樣好似有啲兇咁,睇佢眼神似乎都聽到粗口咁……鬼咩,佢唔只個舞台劇受影響呀,連同湯怡、吳卓羲合演的英皇電影《致命24小時》,原定上周四(6日)上映,都因為第5波疫情影響搞到要押後上映。睇返潘燦良張老婆視角照,係咪覺得佢個樣咁嬲豬都好合理呢,可能佢同紅館騷要延期的張敬軒一樣,唔想新年流流講粗口咋!
 

冇嘢做咪煮吓飯囉……不過潘燦良個樣好似好嬲咁。
冇嘢做咪煮吓飯囉……不過潘燦良個樣好似好嬲咁。

 

本來應該做緊舞台劇,而唔係煮飯,講起都戥佢sad呀!
本來應該做緊舞台劇,而唔係煮飯,講起都戥佢sad呀!

 

潘燦良同湯怡、吳卓羲合演的英皇電影《致命24小時》都要延期上映。
潘燦良同湯怡、吳卓羲合演的英皇電影《致命24小時》都要延期上映。

 

學軒公話齋唔想新年流流講粗口咋!
學軒公話齋唔想新年流流講粗口咋!

 

張敬軒餘下8場紅館騷要延期。
張敬軒餘下8場紅館騷要延期。

 

 立即下載 | 全新《星島頭條》APP :https://bit.ly/3yLrgYZ

關鍵字

最新回應

關鍵字

相關新聞

熱門文章