梁諾妍同囡囡愛犬霸晒張牀 洪永城冇地位要瞓浴缸

洪永城上月底做咗爸爸，老婆梁諾妍（Inez）誕下囡囡Amber，Inez正在家中坐月休息中，洪永城就要充當「暖男爸爸」照顧妻女，仲會幫手餵奶。尋日梁諾妍喺IG上載坐月日常相，相中見她露出手臂正和囡囡洪寶寶瞓覺，但另外半邊牀位，就被4歳半嘅愛犬金毛女Molly霸佔咗，今回洪永城地位真係受到威脅了，梁諾妍留言鬼馬Tag老公洪永城留言：「你都係瞓廳啦！」洪永城就加O嘴貼圖回覆：「照咁估計，嚟緊廳都冇得瞓。」梁諾妍就跟他打情罵俏說：「都仲有個浴缸嘅。」

早喺洪寶寶未出世前，梁諾妍經已同愛犬霸住張牀。

 

洪寶寶人仔細細但有好多表情。

 

洪寶寶超得意。

 

兩公婆公開放閃。

李佳芯前度陳炳銓加口：「無地位啦！」有網民叫：「洪生瞓地下啦！」豈料梁諾妍抵死道：「地下都放咗bb牀，冇位佢瞓。」另外有網民提醒她：「坐月唔係唔好冷親嘅咩？你做咩着得咁單薄？」又有網民關心咁樣同bb瞓太危險喇。

李佳芯前度陳炳銓忍唔住搭嘴。

 

一家人其實不知幾溫馨。

 

梁諾妍分享坐月日常。

 

洪永城都係暖男爸爸。

立即下載 | 全新《星島頭條》APP : https://bit.ly/3yLrgYZ