RM@BTS傳秘戀富家千金兩年 急澄清唔識女方

韓團防彈少年團（BTS）近來新聞多多，先有3名成員SUGA、RM及Jin先後確診新冠肺炎，日前柾國又被爆與女星李侑菲發展姊弟戀。RM今日亦被爆秘戀有錢女兩年，爆料人又是指柾國與李侑菲拍拖嗰位韓國YouTuber呀！估唔到他被雙方事務所否認後，再警告可能會對他採取法律行動都仲未驚，今日又再上載新片指RM與有錢女用lG傳情，又列出9點直指二人正熱戀。

 

 

早排呢個YouTuber先出完片，話柾國同李侑菲姊弟戀。

 

其實這位YouTuber日前爆田柾國與李侑菲的「拍拖證據」都是用IG搵蛛絲馬跡，今日講RM戀情條片都係用同一招！指有錢女與RM經常不約而同出現喺同一個地方，又有相似背景的IG相、抱同一隻貴婦狗等。

 

個YouTuber話RM同個有錢女成日差唔多時間去埋同一個地方。

 

RM所屬事務所否認影片內容，而RM都親自在與Fans的群組內表示：「我完全不認識那位，貴賓狗是我朋友的狗。」連出兩條關於BTS成員戀情的影片，但真實性又唔高，未知BTS公司呢次會唔會採取法律行動呢？

 

RM即刻向Fans澄清。