鄧小巧除夕獲外籍男友送上驚喜 雪地求婚超浪漫

鄧小巧今日在社交網宣佈喜訊，上載外籍男友白先生跪地求婚的照片，開心留言：「2021年經歷很多，有美好有不美好，而白先生俾咗個驚喜而美好嘅聖誕我，And I said yes 😌！2021以美好作結，2022努力經營，Happy new year！#白先生與我 #放心繼續出歌」。好友鄭欣宜亦有留言：「如果你唔幸福快樂至永遠，我會嬲你同白先生好多世。愛你。恭喜你。」陳蕾、藍奕邦、馮允謙等亦有送上祝福。

 

白先生送上驚喜。

小巧say yes，二人相擁。

 

現年32歲的鄧小巧是第一屆《超級巨聲》參賽者，獲得第六名後進軍樂壇，可惜一路上發展平平，早前撰寫長文自爆兩年收入得35萬元，無奈地說：「音樂使我貧窮」。不過，小巧有愛情滋潤，與男友白先生雖然要經歷異地戀，疫情關係更相隔近半年未見，早前小巧終於飛往加拿大探望男友，一齊歡度聖誕節，冬至的時候還上載一張用手遮住臉蛋的相：「我塊面滿到就嚟瀉啦。」即被藍奕邦催婚：「你嫁咗佢算罷啦！」想不到被他說中。

而小巧亦曾透露男友喜歡自己的地方：「我以為佢會答我靚、或者我善良、或者我識照顧人、或者我聰明之類啦。佢答『因爲覺得你有啲蠢，所以好似可以照顧下你。』。」聽落真是甜在心頭，祝永遠幸福快樂！

 

小巧嘅外籍男友白先生好Man呀！

原來白先生鍾意小巧有啲蠢。

小巧話自己塊面滿到就嚟瀉，其實係幸福滿瀉先至真。

藍奕邦日前都催小巧結婚，估唔到給他講中。

欣宜與小巧好老友，立即送上祝福。