張振朗花1年時間操肌變筋肉人 盼將來孫仔面前攞威
2021-12-31 16:30 
34歲的張振朗2011年在TVB藝訓班畢業，經過十年默默耕耘，今年終首度入圍《萬千星輝頒獎典禮》的「最佳男主角」最後5強。張振朗為台慶劇《拳王》博到盡，花一年狂操肌變成「筋肉人」，8嚿腹肌加上完美身形線條，連自己也忍不住要讚一下。
昨日張振朗在IG上載多張黑白爆肌相，留言：「其實男人好簡單，就係想七老八十嘅時候，可以畀到一張相個孫睇，好自豪咁講你睇吓當年阿爺幾fit，我得左（咗）啦，仲要唔止一張。」相中見他胸肌、腹肌嚿嚿分明，而且手臂至腹部都佈滿青筋，完全是力的表現，男人味爆燈！高海寧、陳山聰等個個讚好，早前為演唱會操肌都胡鴻鈞都自愧不如，笑他：「癲佬」！另一大隻佬方力申也叫他：「Monster」，可見張振朗今次的操練真的很賣命！
最新回應