獨家│傳《仔仔一堂》由TVB改串流平台播 王賢誌稱仲做緊後期

由王賢誌（Vinci）擔任監製兼主持的男男配真人騷《仔仔一堂》，今年十月傳出被TVB「退貨」。有指是因為同性配對呢條橋，雖然有噱頭，但似乎太創新，TVB都怕忠實觀眾接受唔到，即使安排在J2播出都過唔到高層嗰關。不過當時TVB回應傳聞就強調節目仍在製作中，不過Vinci以不清楚內部決定來回應本報。

 

10月傳《仔仔一堂》抽起冇得出街住，TVB總經理曾志偉當時話仲製作緊個節目。

 

今日有傳媒報道TVB已經決定唔播《仔仔一堂》嘞！雖然一度有傳改由ViuTV播出，但據報節目最終會改由串流平台Netflix或HMVOD播出，更指最快會於2022年春天上架。

 

不過Vinci今日回覆《頭條娛樂》稱唔知點解會有此傳聞，他表示：「好似仲清楚過我咁！暫時我仲仍然做緊後期，需要好多時間去剪接得好啲，所以之後又再新嘅消息會第一時間同大家講。」

 

《仔仔一堂》由Vinci擔任監製兼主持。