朱敏瀚獲封「芝加哥殺手」有望上位做男一 與張振朗成靈魂伴侶

TVB台慶劇《拳王》本周進入結局周，劇情更加緊湊。朱敏瀚（朱仔）和張振朗為演好角色，一齊苦練爆肌，其實今次已是二人第三次合作，自然份外有默契。張振朗受訪時感激朱仔這個靈魂伴侶一直陪著他踏上「拳王」之路：「好開心喺工作路上可以遇到一個咁好嘅夥伴，可以陪你一齊為咗一件事瞓身。我哋喺開劇一年前就已經一齊操，基本上成日一齊出出入入。喺我嗰12日擂台戲，有8日都係朱仔車我返工，因為佢知我攰到冇可能揸車。」振朗又指二人Free Flow發揮比預設動作更好：「因為我哋都好了解大家，反而打得更真實。」

朱仔自爆被振朗改了一個搞笑花名：「佢成日笑我係『芝加哥殺手，專打自己友』！因為我成日整到佢。」朱仔又指由於他只有一場擂台戲，故此份外珍惜，最後衝刺時更拼命甩水望達至最佳狀態。朱仔的付出亦沒有白費，獲網民激讚：「原來朱仔打拳都打得吓」。憑《換命真相》殺入「萬千星輝頒獎典禮2021」最佳男配角五強的朱仔，更與憑《拳王》同樣殺入五強的黃子恒齊齊被睇高一線。

 

朱敏瀚雖然只有一場擂台戲，但最後衝刺時都拼命甩水望達至最佳狀態。

張振朗拍12日擂台戲，有8日都係朱仔車佢返工。

張振朗同朱仔已是第三次合作。

 

另外，蔡潔與衛志豪早前在社交網上載了二人的「孖妹」造型，獲留言笑指有點似樣。原來衛志豪是蔡潔劇中的電單車替身，更大方借出心愛的電單車給劇組拍攝，蔡潔留言感謝衛志豪謂：「有一次我差啲跌，好彩你救到，I mean架車！我唔識揸電單車又為我擔任替身，又幫大家影咗好多靚相，還要兼顧劇中演出，辛苦喇。」

 

蔡潔同衛志豪因為呢套劇，做過一段時間孖公仔。

呢架電單車，其實係衛志豪嘅「愛妻」。

黃子恒憑《拳王》殺入最佳男配角五強。

姚子羚同樣憑《拳王》殺入最佳女主角五強。