拳王｜賴慰玲不諳水性親自拍落水戲 只因替身去咗廁所決定豁去出

將於明（25日）晚播出大結局的《拳王》，昨晚劇情重點落在患上小腦萎縮症的文善言（賴慰玲Winki飾）身上；得知患了重病的善言原本放下事業與愛情隱居，但仍遭傲山（黎耀祥飾）「尋獲」。之後病情愈趨惡化，善言萌生自殺念頭，並致電傲山希望對方幫忙處理後事。最終善言自殺不遂獲傲山救起，傲山堅決要照顧善言到最後一刻。

Winki自言因不捨祥哥，該場戲每一take均喊到豬頭咁。

Winki透露自殺不遂場口是Ending戲，拍攝當日相當寒冷，但由於工作人員為她和祥哥做足禦寒功夫，又幫他們試水溫兼安排好替身，讓Winki暖在心頭。不過最後卻因為一個「意外」，令不諳水性的Winki決定親自落水：「臨落水時替身去咗好遠嘅廁所，咁為咗報答大家對我咁好，我就決定豁出去。」Winki又自言每一take均喊到豬頭咁：「個角色同我自己都唔捨得祥哥。」
談到角色因備受惡疾困擾萌生自殺念頭，Winki直指「連扣bra都扣唔到」的場口十分重要，故此亦支持需要半裸拍攝的決定：「性感對於我嚟講一直係負擔，我冇勇氣去做呢樣嘢，但我又想表達到個角色嘅心路歷程，我就不斷糾結同掙扎可以點樣衝破自己個心理關口，結果監製就主動問我需唔需要替手，等我可以專心情緒演出嘅部份。」

Winki這個「連扣bra都扣唔到」的場口十分重要，最終由替身演出。

Winki就可專心情緒演出部份。

另憑《拳王》殺入《萬千星輝頒獎典禮2021》最佳女主角5強的姚子羚，最後一周亦演技大爆發，除了前晚憶述亡夫的爆喊戲份、她與祥哥在第21集中的對峙戲份亦被網民稱讚「有戲」兼「有張力」。問到子羚劇中的凌厲眼神是如何鍛煉而成？子羚笑謂：「我個角色啲眼神係難處理嘅，望落好似好淡然嘅嘢，但點樣用眼神表達呢？我都用咗好多時間磨合同學習。然後我發現最緊要望實祥哥，但唔容易嘅，因為祥哥嘅氣場會令你唔敢正視佢。」子羚又大讚祥哥雖然高深莫測，但亦平易近人，是很好的合作夥伴。

姚子羚與祥哥的對峙戲份。

祥哥的氣場會令人不敢正視。