獨家丨米雪做100分送禮大使 同客人又攬又抱又面貼面影相
2021-12-30 22:30 
娛樂圈有好多美魔女，講到美魔女之霸一定係66歲的米雪，就嚟七字頭都保養得宜，所以仍然好受廣告客戶歡迎。日前周四下午，着住粉藍色冷衫配淺色牛仔褲的米雪現身工展會的藥品櫃位，話晒電視界紅星，一現身已被中年女Fans包圍，𠱁得米雪好開心。採訪:梁志明
好受歡迎
當日下午兩點，梳咗個靚髮型嘅米雪現身工展會，藥品櫃位老闆，之前傳出力追李佳芯的「蟲草大王」陳恩德(Mark)一早在場，米雪去到補少少妝就預備做送禮大使。話咁快已有Fans發現米雪，更衝前攬攬及求合照，然後李漫芬做司儀，米雪落力推銷，話咁快送出禮品，佢仲對中獎朋友好有心，面貼面影相，去到尾聲湯盈盈知米雪在場過嚟探吓佢，仲有禮收添。之後米雪仲抽空為藥品拍啲宣傳片，見佢努力背稿，係好勤力嘅代言人。
最新回應