独家丨米雪做100分送礼大使 同客人又揽又抱又面贴面影相
2021-12-30 22:30 
娱乐圈有好多美魔女，讲到美魔女之霸一定系66岁的米雪，就嚟七字头都保养得宜，所以仍然好受广告客户欢迎。日前周四下午，着住粉蓝色冷衫配浅色牛仔裤的米雪现身工展会的药品柜位，话晒电视界红星，一现身已被中年女Fans包围，𠱁得米雪好开心。采访:梁志明
好受欢迎
当日下午两点，梳咗个靓发型嘅米雪现身工展会，药品柜位老板，之前传出力追李佳芯的「虫草大王」陈恩德(Mark)一早在场，米雪去到补少少妆就预备做送礼大使。话咁快已有Fans发现米雪，更冲前揽揽及求合照，然后李漫芬做司仪，米雪落力推销，话咁快送出礼品，佢仲对中奖朋友好有心，面贴面影相，去到尾声汤盈盈知米雪在场过嚟探吓佢，仲有礼收添。之后米雪仲抽空为药品拍啲宣传片，见佢努力背稿，系好勤力嘅代言人。
最新回应