鄧麗欣大方祝福舊愛 不論王子郭雪芙緋聞真假
2021-12-30 11:00 
鄧麗欣（Stephy）、王菀之、姜皓文等昨晚到鑽石山拍攝賀歲片《飯戲攻心》，三人形容這場戲是「加餸」的彩蛋，但也拍足了全日，剛在外地完成新片的Stephy也趕及參與。王菀之形容「加餸」好開心，拍起來好似再拍一套戲，笑言未知是否為續集舖排，而姜皓文則指拍賀歲片好意頭，希望每年都可以參與拍攝。問到「加餸」可有機會加片酬？王菀之笑言有大利是收，Stephy則希望票房更好，最重要大家睇得開心。
另外，Stephy舊愛邱勝翊（王子）剛巧昨日傳出新戀情，被指與多次合作的郭雪芙發展，有否留意王子的動向？Stephy她表示：「有留意到新聞，總之係真嘅會祝福，唔係真嘅都會祝福。」不過王子早前與造型師傳緋聞，Stephy很快便代為否認，但今次明顯態度不同，Stephy聞言：「係唔同情況，就等佢自己回應。冇話信同唔信，反正等佢自己講。」新一年願望是找另一半？Stephy笑言最希望是早日可以去旅行，以及來年繼續拍戲給觀眾看。
最新回應